Ο აშშ-ში საქართველოს საელჩოში აღნიშნული მომსახურების მისაღებად აუცილებელია წინასწარი ვიზიტის დანიშვნა
ვიზიტის დანიშვნა დანიშვნის ინსტრუქცია
საკონსულო სამსახური უფლებამოსილია, თქვენი მოთხოვნის და კანონით გათვალისწინებული პირობების არსებობის შემთხვევაში, დაიწყოს თქვენი სახელის, ან გვარის შეცვლის რეგისტრაციის საქმისწარმოება. ამის შედეგად თქვენს სახელზე გაცემული სამოქალაქო აქტების რეგისტრაციის მოწმობებში აისახება აღნიშნული ცვლილებები. შემდგომ ცვლილებები უნდა განახორციელოთ თქვენს პირადობის დამადასტურებელ დოკუმენტებშიც.
საკონსულო სამსახურში სახელის, გვარის შეცვლის რეგისტრაციის მოთხოვნა შეუძლია საქართველოს მოქალაქეს და აგრეთვე საქართველოში სტატუსის მქონე მოქალაქეობის არმქონე პირს, რომლის დაბადება რეგისტრირებულია საქართველოში.
სახელის ან/და გვარის შეცვლის რეგისტრაციის საფუძველია დაინტერესებული პირის განცხადება და ქვემოთ აღნიშნული გარემოებები ⇓
არასრულწლოვან და ქმედუუნარო პირებს წარმოადგენს მათი კანონიერი წარმომადგენელი. 10 წლის და ზემოთ ასაკს მიღწეული არასრულწლოვანმა თავად უნდა გამოთქვას თანხმობა სახელისა და გვარის ცვლილებაზე.
პირს სახელის შეცვლა შეუძლია მხოლოდ ერთხელ
სახელის, გვარის შეცვლის რეგისტრაცია ხორციელდება განაცხადის წარდგენიდან 45 დღეში
პირს შეუძლია შეიცვალოს გვარი და მიიღოს:
ა ) პირდაპირი აღმავალი შტოს ნათესავის გვარი;
ბ) მშობელთა შეერთებული გვარი;
გ) ფაქტობრივი აღმზრდელის გვარი;
დ) მშვილებლის გვარი;
ე) მეუღლის გვარი;
ვ) სხვა სახელმწიფოს უფლებამოსილი ორგანოს მიერ მისთვის მინიჭებული გვარი.
სახელის, გვარის შეცვლისათვის საჭირო დოკუმენტები:
- საქართველოს საელჩოს სახელზე გამოწერილი 50 აშშ დოლარი მანი ორდერი;
- სახელის, გვარის შეცვლის პირობების არსებობის დამადასტურებელი დოკუმენტები;
- წარმომადგენლის მეშვეობით სახელის, გვარის შეცვლის რეგისტრაციის დროს, დამატებით წარმოსადგენი იქნება რწმუნებულების დამადასტურებელი დოკუმენტი და მინდობილი პირის პირადობის დამადასტურებელი დოკუმენტი.
ცნობისათვის: სხვა სახელმწიფოს მიერ გაცემული ნებისმიერი დოკუმენტი დამოწმებული უნდა იყოს აპოსტილით ⇒ (აპოსტილით დამოწმება)
•განსაკუთრებული წესი მოქმედებს უცხო ქვეყნის სასამართლო გადაწყვეტილების მიმართ. ამ შემთხვევაში დამოწმების შემდგომ უნდა მოხდეს საქართველოს უზენაესი სასამართლოს მხრიდან ამ გადაწყვეტილების ცნობა.
• ასევე, სხვა სახელმწიფოს მიერ გაცემული ნებისმიერი დოკუმენტი წარდგენილ შეიძლება იყოს ქართულ, ინგლისურ ან რუსულ ენებზე. იმ შემთხვევაში თუ თარგმანი განხორციელებულია უცხო ქვეყნის ორგანოების მიერ, თარგმანის მიმართაც გამოიყენება ზემოთხსენებული დამოწმების პროცედურები.
⇒ სახელის, გვარის შეცვლის რეგისტრაცია და შესაბამისი მოწმობის გაცემა ერთიანი პროცესია. ცვლილების რეგისტრაციის შედეგების ასახვა მოხდება გარკვეულ სამოქალაქო აქტებში.
• იმ შემთხვევაში, თუ თქვენი სახელი ან გვარის შეცვლა მოხდა უცხო სახელმწიფოს შესაბამისი ორგანოების მიერ, ამ დოკუმენტების შესაბამისი ფორმით დამოწმების შემთხვევაში, თქვენ შეგიძლიათ მოითხოვოთ ამ ცვლილების ასახვა თქვენს პირადობის დამადასტურებელ დოკუმენტებში ისე, რომ არ განახორციელოთ სახელის ან გვარის შეცვლის ხელმეორედ რეგისტრაცია.
Ο მომსახურების გაწევაზე უარი შეიძლება ითქვას, თუ:
- მომსახურების მიმღები პირის მუდმივი ან დროებითი საცხოვრებელი ადგილი არ არის საკონსულოს სამოქმედო არეალი;
- მოთხოვნა არ არის გაკეთებული მომსახურების მიღების უფლებამოსილების მქონე პირის მიერ;
- არ არის წარმოდგენილი მომსახურების მიღებისათვის კანონმდებლობით გათვალისწინებული დოკუმენტები.